因為我的皮膚極度敏感，從12歲因為貪靚穿耳要戴耳環開始，了解到我的敏感皮膚，耳環不是真金或是14K、18K鍍金、銀或純不鏽鋼物料製造的，一戴上，不出10秒就有狀況出現，首先是耳珠痕癢, 然後紅腫發炎，如果强行繼續戴這些不適合的物料，是潰爛流膿流血，這都是我當年的慘痛經驗，久不久我不信邪，又係貪靚，嘗試買些時款但不適合我穿戴物料的耳環，結果都是一樣。
曾經買過一隻介指，時款好想戴因為好靚，明知戴唔到，又試一試，點知不到一個小時，戴上介指的一圈肉起曬紅疹，痕癢無比，仲要見醫生攞藥膏搽至好返！又記得N年前新興鈦金屬，我的潮媽買了隻鈦金屬運動型手錶送我爸，他又是一圈手腕肉起紅疹及痕癢無比，原來是遺傳啊！自始之後，我不會再嘗試去買非我所戴物料的手飾。
唔只手飾㗎，衣服方面都幾痛苦。小時候親戚們俾我個花名叫”奄尖妹”, 因為她們覺得我實在麻煩，例如買衫俾我我總是說後領好痕，所以我唔肯著，後來漸漸長大就明白，原來是那個後領內中的嘜頭所致，所以我自學拿起剪刀自行拆掉所有的衣服嘜頭。少女時代，見lace bra好靚又性感，不得了，一著就知味道，痕到要立刻返屋企換呢！是因為lace 的凹凸不平與及不是純棉纖維所至，買再貴價的，都係著唔到，原來人造纖維，尼龍等成份做的物料都有問題，羊毛衫只可以夾棉Tee在中間，樽領毛衫更不用想，矜貴的cashmere亦一樣！
我從來不喜歡穿窄身衫，其中一原因是要避免衣服的側骨，內裏鈒骨亦會令我周身痕，所以鬆身衫會幫到我，衣服款式盡量簡單，除了是我個人風格之外，每行車線都會影響我唔舒服，近年很多cut panels 的leggings更係想都唔駛想。我的legging及濶身褲都是沒有側骨的，所以謎底解開了，雙面設計，紙口都藏在二層布裏面，避免敏感發生！
你可能會問，內衣怎麼辦? 內褲我只會穿一個品牌同一款式，胸衣總有尼龍杖根怎麼辦？我是用純棉手帕三文治般夾在中間的! 如果你或身邊朋友或是你的小朋友有我同樣的煩腦，可以分享或私訊傾下生活中的小貼士。
Recent Comments