這件衫第一生命是一件試身辦,左膊及領都被剪了。通常是設計師覺得領邊線不夠長,比較"鬼鼠"所以剪一刀先可以知道視覺上差幾長。膊位被剪開是因為䄂山長度唔夠,導致袖有D"戚"起,剪開後袖會自然跌下來,睇到要加長幾多。

既然袖fit有問題,右邊膊都唔會保持原狀,就由我來操刀,將這本來正常的裇衫裙變成cool shoulder款。同一批回收得來的衫找到一件白底間裇衫裙,後幅又係被剪爛,就讓這間條布來點綴這黑色恤衫裙的單調感。

初時還以為好簡單,車上白灰間條布救返條領及完成cool shoulder䄂邊就ok, 點知完成後感覺唔吸引,白條併布好似孤兒仔咁同整件衫欠缺和諧感。又到訓覺時間,於是就讓它等待多一晚,第二日醒來就有靈感了!

從軍褸及傳統乾濕褸的膊頭帶取得靈感,在右膊加上這條較寬闊的帶,再加一個圈去固定位置。如果左膊做同樣的好似太多了,於是決定只加一小布貼在左䄂邊,令整件衫的平衡性提高。

在平衡中又帶點不對稱較果,左右不相同的細節同時又俾到整體的和諧感,這就是升級再造路上的時裝設計。對不起我的燙斗,辛苦你了,勞累了,要罷工了,所以照片裏的完成品有皺痕,請見諒。

Select your currency
HKD 港幣